Ängil

 

Jätz bisch du da

Bisch grad cho zur rächtu Zit

Ha scho wällu ga

Zalu und z Piär la stah

 

Du lüägsch mi a

Und fregsch

Wo willtä öi gah

Äs isch doch nu nid so spat

Chumm nimm nu eis

Mit miär und los d Müsig a

 

Und jätz chusch du minä Ängil

Grad nu zur rächtu Zit

Breitusch dini Fligil üs

Und schwingsch schi um mich

Bi bäreit fär mit diär z gah

Z gspiru was Friheit isch

Und ich lüegu in d Stärnä

Sägu danke, dass' dich git

 

Du nimmsch mini Hand

Du seisch

Äs isch ä Trüür i dim Gsicht

Müäsch kei Sorgä ha

Jätz los ämal

Di Ängilsstimm wa züä diär singt

 

Und das bisch du minä Ängil

Grad nu zär rächtu Zit

Breitusch dini Fligil üs

Und schwingsch schi um mich

Bi bäreit fär mit diär z gah

Z gspiru was Friheit isch

Und ich lüegu in d Stärnä

Sägu danke, dass' dich git

 

Text und Musik von Adrian Almendinger, © 2025 – Alle Rechte vorbehalten