Schwarzä Vogil

 

Ja salü schwarzä Vogil

Bisch du öi widär da

Ha gmeint heigsch mi värgässu

Ha eiguntli grad wällu ga

 

Üs in d Wält sus ga gniässu

All mini Sorgä la gah

Kei schlächti Gidankä

Kei pächschwarzä Tag

 

Ja salü schwarzä Vogil

Bisch du öi widär da

Hesch Platz gnu a miinum Feischtär

Mit gneigtum Chopf lüägsch mi a

 

Was willtmär hitu sägu

Was brüüchsch de nu va miär

Gsehsch de nid mit tristum Blick

Sitz ich bi diär

 

Oh schwarzä Vogil

Warum nimmsch du mich mit

Uf ä Reis wan ich nimmä will

Immmär dä

Wäs am schönstu isch

Du liäbä schwarzä Vogil

Du weisch ich ha di gäru

Bisch ä treuä Begleitär

Meinschus güät mit miär

Abär ich glöibu jätz isch d Zit cho

Fär dich und fär mich

Darum liäbä Vogil

Ich la di jätzu frii

 

Oh schwarzä Vogil

Du nimmsch mich nimmä mit

Iischi Reis di isch jätz värbii

Liäbä schwarzä Vogil

Ich la di jätzu frii

Liäbä schwarzä Vogil

Ich la di jätzu frii

 

Text und Musik von Adrian Almendinger, © 2025 – Alle Rechte vorbehalten