Ufär Inslu
Ich ha schi gseh
Damals ufum Schiff hinnär ihra d Witi vam Meer
Schi meint zu miär
Innäru Halbstund leggäwär a
Ich zeigdär mis Dähei
Isch nid z Läbu schön
Mitu Fiäss im Sand, Hand in Hand am Palmustrand
Da gsehni scho
Ä Gwittärfront üfcho
Witwäg am Horizont
Schi geit mitum Wind
Z Rüschu va du Wällä wa singt
Sonä Liäbi brännt heiss
Schi ziähtär där Bodu unnär du Fiäss äwäg und geit in Flammä üf
Sonä Liäbi brännt heiss
Äs isch wiä im Tröim
Und Treim di gehnt so schnäll värbii
Äs isch immär z gliichu gsi
Äs hät giblitzut und gitonnrut und vam Himmil gleescht
Was värbii isch gsii
Isch widär Fridu gsi, hiä in iischum Paradies
Schi geit mitum Wind
Z Rüschu va du Wällä wa singt
Sonä Liäbi brännt heiss
Schi ziähtär där Bodu unnär du Fiäss äwäg und geit in Flammä üf
Sonä Liäbi brännt heiss
Äs isch wiä im Tröim
Und Treim di gehnt so schnäll värbii
Äs chunnt wiäs chunnt
Einä hät mal gsungu
Liäbi chunnt und Liäbi geit
Äs isch halt äso
Dassus nachum Happy End im wahru Läbu witärgeit
Jätz sitzi da
Uf däru Inslu
Und weiss nid was mitär Zit afa
Wa där lätscht Sturm isch cho
Isch nid nur Hab und Güät
Nei öi mini Liäbi z Schadu cho
Schi isch gigangu mitum Wind
Z Rüschu va du Wällä wa singt
Sonä Liäbi brännt heiss
Schi ziähtär där Bodu unnnär du Fiäss äwäg und geit in Flammä üf
Sonä Liäbi brännt heiss
Äs isch wiä im Tröim
Und Treim di gehnt so schnäll värbii
Text und Musik von Adrian Almendinger, © 2025 – Alle Rechte vorbehalten
